Në Mal të Zi për herë të parë shqiptarët festuan me flamur kombëtar

Lajme

Gazeta Express

28/11/2020 21:13

Në Malin e Zi sivjet për herë të parë shqiptarët kanë arritur të festojnë 28 nëntorin me flamurin kombëtar.

Për shënimin e kësaj date në nderim të kombit dhe identitetit, trojet shqiptare në Malin e Zi si asnjëherë frymuan shqip pasi këtë vit për herë të parë 28 nëntori u prit me arritje të rëndësishme, atë të shprehjes së lirë të identitetit kombëtar, arritje kjo e cila vjen pas përpjekjeve disa vjeçare të faktorit politik shqiptar në Mal të Zi.

“Me ndryshimin e ligjit për simbolet kombëtare ne kemi të drejtën e përdorimit të lirë të simboleve tona, flamurit, himnit dhe stemës”, tha Faik Nika, kryetar i KKSH’së në Malin e Zi.

Edhe në këtë vend për shkak të pandemisë festa u shënua pa ceremoni dhe organizime tradicionale.