‘Los Blancos’, dy prej të arrestuarve në Greqi janë shqiptarë, EUROPOL publikon videon e operacionit

Gazeta Express

17/09/2020 17:47

Policia e Greqisë ka bërë me dije se dy nga personat e arrestuar në Greqi, në kuadër të operacionit të madh antidrogë në disa shtete të botës, janë shqiptarë.

Emrat e tyre nuk bëhen me dije , por raportohet se për një prej tyre ekziston një urdhër arresti nga Italia.

Gjatë kontrollit në banesat e tyre, policia sekuestroi një armë gjahu, 3500 euro, 2 peshore elektronike, 1 dedektor, 1 palë dylbi, doza me drogë dhe dy celularë.

Operacioni ndërkombëtar ‘Los Blancos’ u shtri në 10 vende dhe ishte koordinuar nga Europol dhe Eurojust.

Shqiptarët e arrestuar në kuadër të operacionit “Los Blancos”:

Lek  Colaj, 40 vjeç, i cili u arrestua në Rumani;

Gjergj Lesaj,  38 vjeç, i cili u arrestua ne Holandë;

Sokol Aliko (Memetaj), 36 vjeç, i cili u arrestua në Spanjë;

Robert Varga, 44 vjeç, i cili u arrestua në Hungari.

Gjithashtu iu komunikua masa e sigurisë “Arrest në burg” shtetasit Altin Velsula (Hoxha), 36 vjeç, i cili ndodhet në burg në Norvegji.