Nëna shqiptare e infektuar me koronavirus sjell në jetë fëmijën

Gazeta Express

14/08/2020 18:13

Një nënë e re në moshë ka sjellë në jetë fëmijën e saj tek materniteti “Koco Gliozheni” në Tiranë.

Mësohet se nëna ka qenë e infektuar me Covid-19, në momentin që ka sjellë në jetë foshnjën.

Burime për “Balkanweb” bëjnë me dije se fëmija ka ardhur në jetë shëndoshë e mirë.

Nëna e fëmija kanë lënë tashmë spitalin dhe janë shëndoshë e mirë, në gjendje të stabilizuar shëndetësore.

Foshnja, ditën që ka lënë spitalin, ka qenë negativ në testin ndaj koronavirusit.