Ankesat e familjarëve të pacientëve me Covid-19, Meta: Reflektim i menjëhershëm, trajtojini denjësisht!

Gazeta Express

06/08/2020 15:53

Presidenti Ilir Meta ka reaguar pas pamjeve ku familjarët e pacientëve te prekur me Covid-19 prisin për t’u informuar në lidhje me gjendjen e tyre shëndetësore.

Në një postim në Facebook, Meta shkruan se familjarët duhet të trajtohen me respekt, teksa kërkon reflektim për grumbullimet e tyre.

“Familjarët e qytetarëve të prekur nga COVID-19 meritojnë të trajtohen denjësisht dhe të informohen me transparencë të plotë për shëndetin e të dashurve të tyre, të cilëve ju uroj shërim sa më të shpejtë.

Pamjet shqetësuese të publikuara sot në media për grumbullime të shumta në ambientet e jashtme të Spitalit Infektiv në Tiranë kërkojnë reflektim të menjëhershëm”, shkruan Meta.