90 denoncime për parregullsi në shëndetësi, Aliu: Do t’i shqyrtojmë dhe do të marrim masa

Maqedoni

Gazeta Express

16/07/2025 17:18

Nëntëdhjetë denoncime për parregullsi në institucionet e kujdesit shëndetësor kanë mbërritur në Ministrinë e Shëndetësisë, zbuloi i pari i këtij dikasteri Azir Aliu. Nga këto, 60 janë përpunuar, dhe vetëm dy janë informacione që kanë të dhëna, të cilat do të diskutohen me institucionet. Raportet mbërrijnë përmes mjetit në faqen zyrtare të Ministrisë së Shëndetësisë për raportimin e parregullsive.

“Nga të gjitha qytetet ka, por shumica në Shkup, por nga secili qytet ka nga 1-2 denoncime të tilla. Natyrisht, puna jonë është të procedojmë deri në momentin që vlerësojmë se më të vërtetë ato paraqitje kanë indikacione se duhet të vazhdohet me procedurat. Deri më tani vetëm 2 nga 60 lëndët e proceduara janë informacione që kanë indikacione për procedim të mëtutjeshëm”, tha Azir Aliu, ministër i Shëndetësisë.

Aliu gjithashtu kujtoi ndryshimet e bëra në Ligjin për Kujdesin Shëndetësor. Siç nënvizoi ai, krijimi i një familjeje nuk duhet të jetë luks, por një e drejtë.

“Kjo është arsyeja pse ne kemi hequr barrierën administrative, kemi dyfishuar numrin e përpjekjeve të mbështetura për fertilizim in vitro nga 3 në 6 dhe kemi digjitalizuar procedurën, dhe koha e miratimit është shkurtuar në vetëm dy javë. Nuk ka më pritje me muaj, nuk ka më dokumente të humbura me postë, do të ketë vetëm një shans, shpresë dhe akses të ri. Në të njëjtën kohë, ne kemi thjeshtuar procesin për trajtim jashtë vendit, kemi futur përgjegjësi më të qarta në menaxhimin e Fondit dhe kemi filluar harmonizimin e të drejtave të qytetarëve të huaj me ato të qytetarëve tanë”, shtoi Azir Aliu, ministër i Shëndetësisë.

Ministria e Shëndetësisë ka nisur një program kombëtar për menaxhimin e krizave dhe rezistencën e sistemit shëndetësor, i cili, sipas Ministrit Aliu, përcakton protokolle të standardizuara, një platformë digjitale për koordinim në kohë reale, trajnime, ushtrime simulimi dhe komunikim të ndërveprueshëm midis institucioneve shëndetësore dhe të sigurisë. Sipas tij, Ministria e Shëndetësisë po fillon një fazë të re investimi prej 205 milionë eurosh për rindërtimin dhe përmirësimin e infrastrukturës shëndetësore në Shtip, Tetovë dhe Kërçovë.