56-vjeçarja shtatzënë me fëmijën e të birit: Mezi po pres të lind mbesën time

Fun

Gazeta Express

23/09/2022 7:14

Nancy Hauck, 56 vjeç është shtatzënë dhe mezi pret të lindë mbesën e saj.

“Nuk e kisha menduar kurrë, por jam shumë e lumtur që zgjodha të mbaj në bark fëmijën e djalit tim”, tha ajo për SWNS.

Gjyshja u ofrua të bëhej surrogate për djalin e saj Jeff, 32 vjeç, dhe gruan e tij Cambria, 30 vjeç, pasi kjo e fundit nuk mund të bëjë më fëmijë pas lindjes së dytë të binjakëve.

Jeff dhe Cambria ëndërronin të kishin më shumë fëmijë, por nuk ishin të sigurt se çfarë rruge të ndiqnin.

“U ndjeva mirënjohës që kam një nënë kaq të dashur që ishte e gatshme të bënte atë lloj sakrifice për familjen time,” tha Jeff.