30 ditë paraburgim tre personave për vjedhje të rëndë në tentativë në Mitrovicë të Veriut, njërit arrest shtëpiak

Lajme

Gazeta Express

26/06/2025 12:34

Gjykata Themelore në Mitrovicë ka caktuar masën e paraburgimit prej 30 ditësh për tre të dyshuar për veprën penale ‘’Vjedhje e rëndë në tentativë’’. Kurse për të dyshuarin e katër lidhur me këtë rast, gjykata ka vendosur masën e arrestit shtëpiak, shkruan Gazeta Express.

Kjo është bërë e ditur përmes një njoftimi nga ana e Policisë së Kosovës, ku janë dhënë edhe inicialet e të dyshuarve.

Komunikata:

Informacion shtesë në lidhje me arrestimin e katër personave të dyshuar për veprën penale “Vjedhje e rëndë në tentativë” në Mitrovicë të Veriut

Mitrovicë Veri , 26 Qershor 2025

Drejtoria Rajonale e Policisë në Mitrovicë të Veriut njofton opinionin publik se, lidhur me rastin e raportuar më 21.06.2025 dhe arrestimin e katër personave të dyshuar për përfshirje në veprën penale “Vjedhje e rëndë në tentativë”, janë ndërmarrë veprime të mëtejshme procedurale nga organet kompetente.

Bazuar në vendimin e Gjykatës Themelore në Mitrovicë:

Ndaj tre të dyshuarve: V.I. (i lindur më 1998),  M.H. (i lindur më 1995) dhe A.S. (i lindur më 2000) është caktuar masa e paraburgimit prej 30 ditësh.

Ndërsa ndaj të dyshuarit Z.B. (i lindur më 2005) gjykata ka caktuar masen e arrestit shtëpiak.

Policia e Kosovës mbetet e përkushtuar në realizimin e detyrave ligjore, identifikimin dhe hetimin e veprave penale, si dhe në sjelljen para drejtësisë të të gjithë personave të përfshirë në veprimtari të kundërligjshme.