1477 gjoba ndaj shoferëve në rajonin e Ferizajt për kundërvajtje në trafik

Lajme

Gazeta Express

12/05/2026 9:30

Policia Rajonale e Ferizajt gjatë javës nga 4 deri më 10 maj tha se ka intensifikuar kontrollet në trafik me qëllim rritjen e sigurisë rrugore dhe parandalimin e aksidenteve.

Si rezultat i këtyre kontrolleve, policia tha se janë shqiptuar gjithsej 1477 gjoba ndaj shoferëve të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Llojet e kundërvajtjeve:

Tejkalim i shpejtësisë – 338 gjoba

Parking i parregullt – 215 gjoba

Xhama të errësuar – 146 gjoba

Mosrespektim i shenjave të komunikacionit – 92 gjoba

Mosmbajtje e distancës mes automjeteve – 75 gjoba

Përdorim i telefonit gjatë vozitjes – 70 gjoba

Mospërdorim i dritave – 66 gjoba

Kalim i afatit të regjistrimit – 54 gjoba

Kundërvajtje të tjera – 421 gjoba

Policia pati edhe një apel për qytetarët.

“Ngasja e papërshtatshme dhe mosrespektimi i rregullave të trafikut rrezikojnë drejtpërdrejt jetën e drejtuesve të automjeteve dhe të gjithë pjesëmarrësve në komunikacion. Respektoni kufizimet e shpejtësisë, përshtatni ngasjen me kushtet e rrugës dhe tregoni kujdes maksimal gjatë vozitjes. Një moment pakujdesie mund të ketë pasoja të rënda për jetën. Policia njofton se kontrollet do të vazhdojnë edhe në ditët në vijim, me qëllim rritjen e sigurisë në trafik dhe parandalimin e aksidenteve rrugore.  Ftohen qytetarët të bashkëpunojnë me policinë dhe të raportojnë çdo shkelje përmes aplikacionit “Lajmëro Policinë” ose në numrat: 192, 0290/326-250 dhe 0290/322-406”.

Policia shtoi se të dhënat e raportuesve ruhen në konfidencialitet të plotë.