“10-she në kajmak” – Bayerni e ‘shkatërron’ Aucklandin

Sport

Gazeta Express

15/06/2025 20:00

Bayern Muncheni e ka nisur me një fitore të madhe kampanjën e Kupës së Botës për Klube.

Skuadra gjermane e ka fituar ndeshjen e parë ndaj Auckland City me shifrat prej 10-0, shkruan “Gazeta Express”.

Serinë e golave e hapi Kinglsey Coman në minutën e 6-të, derisa i njëjti asistoi në minutën e 18-të për Sacha boey.

Dy minuta më vonë, Michael Olise shënoi golin e tretë të ndeshjes. Përsëri, vetëm pas dy minutash, Olise asistoi për Comanin.

Në minutën e 45-të, Thomas Muller shënoi, pas asistimit të Olises, i cili tre minuta më vonë shënoi për ta mbyllur pjesën e parë, 6-0 për Bayernin.

Në pjesën e dytë, Jamal Musiala shkëlque, duke shënuar tregolësh në minutat 68’, 73’ dhe 84’.

Festivalin e golave të Bayernit e përmbylli Thomas Muller në minutën e 89-të.

Në grup me Bayernin e Aucklandin janë edhe Benfica e Boca Juniors./GazetaExpress/