10 fjali të shqiptuara nga një pacientë, mjaftojnë që mjeku ta dijë gjendjen e juaj

Keshilla Mjekësore

Gazeta Express

12/05/2025 21:27

Një fjali e thjeshtë prej dhjetë fjalësh e shqiptuar nga pacientët mund të jetë një nga shenjat më të qarta paralajmëruese se ata vuajnë nga një ‘sëmundje serioze’, kanë pohuar mjekët.

Mjekët kanë shpërndarë në rrjetet sociale atë që e quajnë një “perlë klinike”, e cila pothuajse garanton një sëmundje serioze – nga sulmet në zemër deri te kanceri.

Sipas tyre, fjalia “Unë ndihem mirë, por gruaja më detyroi të vij” është një nga treguesit më të saktë që diçka është seriozisht gabim.

Dr. Sam Ghali, një mjek urgjence nga SHBA me mbi 650,000 ndjekës në X, tha se kjo frazë e zakonshme “është një tregues që diçka është vërtet **** gabim, derisa të vërtetohet e kundërta”.

“Besomëni për këtë,” shtoi ai.

Duke komentuar në postim, mjekë të tjerë përmendën edhe fraza të tjera që sipas tyre janë sinjale alarmi për gjendje serioze shëndetësore.

Në një koment në postimin origjinal në Reddit, një mjek shkroi: “Në të njëjtën linjë, kini kujdes nga zonja e moshuar që thotë ‘Nuk dua të bezdis njeri, por…’.”

Një tjetër mjek shtoi: “Njëherë mora një telefonatë në një konsultë nga një grua e moshuar që kishte dhimbje gjoksi prej orësh. Ajo tha se nuk donte të na shqetësonte…”

Një tjetër tregues i një sëmundjeje serioze apo emergjence mjekësore është “intuicioni i nënës”, kanë pohuar mjekët në Reddit.

“Javën e kaluar ishte hera e fundit që dyshova në intuitën e një nëne,” tha një profesionist.

“Ajo tha se fëmija i saj, që ishte në moshën e kolegjit dhe pa ndonjë gjendje të mëparshme shëndetësore, thjesht dukej ‘i çuditshëm’. Fëmija nuk tregonte shenja depresioni apo mendime vetëvrasëse, dhe sapo ishim gati ta lironim nga spitali, ai pësoi një goditje në tru,” shtoi mjeku.

Kjo vjen vetëm pak ditë pasi një kirurg në Angli deklaroi se një foshnje që vdiq vetëm tre ditë pas lindjes do të kishte mbijetuar nëse mjekët nuk do të kishin shpërfillur sinjalet e shumta që tregonin se ajo ishte në rrezik, në orët para vdekjes tragjike.

Dan Russo dhe gruaja e tij shtatzënë, Bryony, lutën për një lindje me prerje cezariane kur arritën në maternitet, pasi ndjenin se diçka nuk shkonte.

Por stafi “i qeshi dhe i injoroi shqetësimet e tyre”, pavarësisht sinjaleve si skaneri që tregonte një ritëm të parregullt të zemrës së fetusit.

Foshnja Emmy nuk merrte frymë kur lindi më në fund përmes një operacioni urgjent cezarian, 11 orë pasi çifti kishte mbërritur në spitalin Princess Alexandra në Harlow, Essex.

Ajo vdiq në krahët e babait të saj tre ditë më vonë në njësinë e kujdesit intensiv neonatal në spitalin Addenbrooke në Cambridge, ku ishte transferuar për trajtim urgjent.

Duke folur pas hetimeve zyrtare, z. Russo tha:

“Jemi tërësisht të thyer nga humbja e vajzës sonë të bukur, Emmy. Ajo ishte fëmija ynë, aq e dashur, aq e dëshiruar, dhe kurrë nuk do të kuptojmë se si gjithçka shkoi kaq tragjikisht keq. Bëmë gjithçka që na u tha, ndoqëm këshillat që na u dhanë. Por thellë në vetvete e dinim se diçka nuk ishte në rregull. I shprehëm shqetësimet tona herë pas here, por na injoruan.”

Duke iu drejtuar drejtpërdrejt stafit të spitalit, ai shtoi:

“I shtrëngova duart njerëzve që luajtën rol në vdekjen e vajzës sime. Po të kishit bërë punën siç duhet dhe të kishit vënë re atë që të gjithë të tjerët panë, vajza jonë do të ishte sot me ne.”  /GazetaExpress/