Vëllau i Donjeta Pajazitajt, Shkëlqimi Pajazitaj po kërkon drejtësi për vrasjen e motrës së tij, raporton Gazeta Express.
Ai kërkon nga institucionet e drejtësisë që të zbulojnë bashkëpunëtorët e Naser Pajazitaj i cili akuzohet për vrasjen e Donjetës, derisa kërkon të dijë edhe arsyet se pse është vrarë motra e tij.
Pajazitaj në një lidhje direkte në emisionin Frontal në T7 me Arsim Lanin thotë se i dyshuari për vrasjen e saj gjatë kohës sa Donjeta ishte e zhdukur e kërkonte bashkë me ta, derisa u thoshin se ajo ishte martuar.
“Donjeta ka qëndruar 6 javë e zhdukur dhe nuk ka pas njeri në fshat që nuk ka ardhur për të pyetur për Donjetën. Unë jam nervoz se si kemi qenë familje aq e verbër dhe si nuk kemi mund ta shohim se po na punojnë këtë tradhti. Edhe personi që dyshohet për vrasjen e saj ka ardh te ne, kanë shkuar me babin në disa vende dhe thuhej që ajo është martuar”, ka thënë ai.
Shkëlqim Pajazitaj ka deklaruar se nuk i beson organeve të drejtësisë, pasi ende nuk e din se pse është vrarë motra e tij./Express/