Zyrtare: Emini e vazhdon kontratën me Llapin

Gazeta Express

04/08/2020 16:30

Benjamin Emini e ka vazhduar kontratën me Llapin për edhe një vit tjetër, njofton klubi nga Podujeva.

Emini dhe Llapi kanë rëndë dakord ta vazhdojnë marrëveshjen, e cila do ta mbajë mbrojtësin 27-vjeçar në klub të paktën deri në vitin 2021, transmeton Gazeta Express.

“Me vazhdimin e kontratës me Eminin, reparti defanziv është pothuajse i kompletuar”, ka njoftuar Llapi në Facebook.

Mbrojtësi i krahut të djathtë është pjesë e Llapit që një dekadë.

“Bashkëpunimin edhe për 1 vit me Llapin e ka vazhduar edhe mbrojtësi i krahut të djathtë, Benjamin Emini. Futbollisti që i ka qëndruar besnik Llapit më shumë se 10 vite do vijoj të jetë pjesë e rëndësishme e skuadrës edhe në edicionin e ri”, thuhet tutje në njoftim.

Emini i bëri 28 paraqitje (27 kampionat/1 kupë) duke kontribuar me 1 gol e 1 asistim në fanellën e Llapit sezonin e kaluar. /Gazeta Express/