Zyrtare: Dybala e mposht Ronaldon, shpallet më i miri i sezonit në Serie A

Gazeta Express

04/08/2020 15:34

Paulo Dybala e ka mposhtur bashkëlojtarin e tij në Juventusit, Cristiano Ronaldo, në garën për çmimin e lojtarit më të mirë të sezonit në Serie A.

Lesa Serie bëri të ditur se argjentinasi i Juventusit, Paulo Dybala, e ka fituar çmimin e lojtarit më të mirë të sezonit, çmim ky që Cristiano Ronaldo e kishte fituar në sezonin e tij debutues në Allianz Stadium, transmeton Gazeta Express.

Argjentinasi e fitoi këtë çmim falë paraqitjeve të tij këtë sezon, kur Juventusi e fitoi titullin e kampionit për herë të nëntë radhazi dhe Dybala i shënoi 17 gola, përderisa vlerësohet si forca shtytëse prapa sukseseve të Juventusit këtë sezon.

Cristiano Ronaldo nuk është zgjedhur as për çmimin e sulmuesit më të mirë, të cilin e ka fituar Ciro Immobile në Lazio.

Lista e plotë e fituesve të çmimeve të Serisë A:

Portieri më i mirë: Wojciech Szczesny (Juventus)

Mbrojtësi më i mirë: Stefan De Vrij (Inter)

Mesfushori më i mirë: Papu Gomez (Atalanta)

Sulmuesi më i mirë: Ciro Immobile (Lazio)

Lojtari më i mirë i ri: Dejan Kulusevski (Juventus, i huazuar në Parma)

Lojtari i Vitit: Paulo Dybala (Juventus)