Zyrtare: Darwin Nunez transferohet te Al Hilal

Futboll

Gazeta Express

09/08/2025 22:25

Darwin Núñez është futbollisti më i ri i Al Hilal. Lajmi është konfirmuar zyrtarisht, duke mbyllur një marrëveshje që e sjell sulmuesin uruguaian nga Liverpooli në Arabinë Saudite.

Al Hilal ka arritur të sigurojë shërbimet e 26-vjeçarit me një kontratë trevjeçare, ndërsa Liverpool do të përfitojë 53 milionë euro plus bonuse nga ky transferim.

Ky ishte një prej përforcimeve kryesore të kërkuara nga trajneri Simone Inzaghi, i cili e sheh Núñezin si pikë kyçe në sulmin e skuadrës.

Pas dy sezoneve në “Anfield”, ku fitoi Premier League, Kupën e Ligës Angleze dhe Community Shield, Núñez tani nis një kapitull të ri në karrierën e tij, duke u bashkuar me projektin ambicioz të kampionëve sauditë.