Zhvillimi i vaksinës anti-COVID në Oksford pritet të rifillojë pas pezullimit ditë më parë

Gazeta Express

14/09/2020 7:53

Procesi i zhvillimit të vaksinës anti-COVID në Oksford do të rifillojë përsëri, njoftoi të shtunën Universiteti i Oksfordit.

Ditë më parë është njoftuar se procesi i zhvillimit të vaksinës nga kompania “AstraZeneca” është pezulluar për shkak të sëmurjes së një vullnetari shkruan CNN.

Kompania në fjalë ka mohuar raportet në lidhje me sëmundjen e vullnetarit.Ata kanë thënë se bëhet fjalë për sklerozë të shumëfishtë, për të cilën nuk ka lidhje me vaksinën.

AstraZeneca njoftoi se testimi do të rifillojë vetëm në Mbretërinë e Bashkuar, në një datë të pacaktuar, e më pastaj me konsultim të autoriteteve shëndetësore do të rinis edhe në vendet tjera.

Para pezullimit, kompania ishte duke testuar vaksinën e saj në SHBA, Mbretërinë e Bashkuar, Amerikën Latine, Azi, Evropë dhe Afrikë.