Zeka e quan Kosovën Republikë e Burdushit, i reagon Deputeti i VV-së


Gazeta Express
16 Maj 2019 11:36

Në një moment deputeti i Nismës, Milaim Zeka, gjatë fjalimit të tij në Kuvend e quajti Kosovën “Republikë e Burdushit”. Për këtë emërtim Zeka mori kritika nga deputeti i Vetëvendosjes, Ali Lajçi.

Para se Lajçi ta niste fjalimin e tij u shpreh:

“Republika e Burdushit, jo por e Kosovës. Emërtime të tilla e degraojnë shtetin, statusi i Republikës nuk preket”, tha Lajçi, transmeton Gazeta Express.

Së fundmi Burdushi po përmendet pothuajse në të gjitha seancat e Kuvendit, kjo pasi Dardan Molliqaj i PSD-së ka deklaruar se Glauk Konjufca i VV-së ka qenë klient i Burdushit.

Për këtë deklaratë, Konjufca nuk është prononcuar ende.

Artikull i sponsoruar

Te fundit


Kthehu lart