Zbulohet e shkuara kriminale e të plagosurit në Vlorë, 3 ditë më parë kishte dalë nga burgu

Gazeta Express

18/01/2020 20:04

Nikollaq Çepaj (Taullaraj), një nga të plagosurit në Vlorë mbrëmjen e sotme dyshohet se ka qenë edhe shënjestra e atentatit.

Ai sapo kishte dalë nga burgu, vetëm tre ditë më parë, pasi më 8 qershor të vitit 2018 u arrestua për plagosjen me armë zjarri të Eraldo Lazajt brenda një lokali në lagjen ‘Pavarësia’.

Mbrëmjen e sotme Taullaraj u plagos së bashku me kunatin e tij, Ronald Çepaj.

Nikollaq Çepaj ishte i martuar me motrën e Rolandit dhe kishte marrë mbiemrin e saj.