Zbardhet pasuria, Gregu blen makinë, Linda me rrogë mbi 20 mln lekë, sa fitoi Rama nga pikturat - Gazeta Express

Shqiperi

Gazeta Express

09/07/2020 18:48

Zbardhet pasuria, Gregu blen makinë, Linda me rrogë mbi 20 mln lekë, sa fitoi Rama nga pikturat

Shqiperi

Gazeta Express

09/07/2020 18:48

Krahas një axhende të ngjeshur me aktivitete politike, duket se viti 2019 ka qenë tepër pozitiv sa i takon jetës artistike të kryeministrit Edi Rama, që është përkthyer edhe në të ardhura të larta për familjen e tij. Tirananews.al ka mundur që të sigurojë deklaratat e pasurisë të familjes së kreut të qeverisë, ku vihet re që nga të ardhurat nga shitja e pikturave e qiratë e ambienteve, gjer tek blerja e truallit.

Nga analiza e deklaratës së kreut të qeverisë, gjatë vitit që lamë pas, të ardhurat nga krijimtaria artistike-shitja llogaritet në 46 mln lekë të vjetra. Ndërkohë të ardhurat nga paga për 2019-n n janë 20 milionë lekë. Ndërkaq, të ardhurat kryesore në familjen kryeministrore duket se i sjell bashkëshortja e tij, Lindita Rama. Nga të ardhurat personale për 2019, Lindita Rama ka shtuar 69 milionë lekë, ndërsa ka blerë edhe një tokë truall 80 metra katror në vlerë 30 milionë lekë. Nga përshkrimi i të ardhurave, bashkëshortja e kryeministrit sqaron se 24 mln lekë i ka nga paga e saj, ndërsa si konsulente dhe ekspertiza të ndryshme ka marrë rreth 19 mln lekë.

Nga qiratë, apartament ka fituar 27 mln lekë . Ndërkaq nga kredia prej 80 mijë eurosh, bashkëshortja e Ramës ka shlyer për vitin që lamë pas 4400 euro dhe ka pa shlyer edhe 17800 euro.

Ndërsa djali Gregor Rama ka shitur automjetin e tij tip Audi me vlerë 12 mijë euro dhe ka blerë një automjet tjetër BMW 15 mijë euro. Të ardhurat e tij nga shitja e veprave të artit kanë qenë 27 mijë euro, ndërkaq të ardhura nga likujdimi për vitin që lamë pas kanë qenë 36 mijë euro. / tirananews.al