Zakoni i çuditshëm që pritet të ndodh në natën e Vitit të Ri gjatë ndrrimit të motëve

Fun

Gazeta Express

31/12/2025 19:24

Britanikët e brezit Millennial dhe Gen Z po futen nën tavolinat e kuzhinës në natën e Vitit të Ri për një arsye të pazakontë – dhe ja pse disa mendojnë se duhet ta provoni edhe ju.

Ndërsa ora numëron sekondat drejt mesnatës, traditat e Vitit të Ri nëpër botë variojnë nga festaret deri te plotësisht të çuditshmet. Disa njerëz ngrenë dolli me shampanjë ose shikojnë fishekzjarrë, ndërsa të tjerë besojnë në rituale që, sipas tyre, sjellin fat për vitin që vjen.

Në Mbretërinë e Bashkuar, një zakon pak i njohur ka ngjallur së fundmi kureshtje dhe konfuzion. Falë rrjeteve sociale, shumë të rinj po futen nën tavolinat e kuzhinës në momentin që hyn Viti i Ri, me shpresën për fat të mirë dhe një romancë të re në vitin 2026. Ky ritual i pazakontë lidhet me ngrënien e rrushit pak para se ora të shënojë 12 – dhe arsyeja është më poshtë.

Pse duhet të hani rrush në natën e Vitit të Ri

Sipas Allrecipes, kjo traditë e ka origjinën në Spanjë dhe quhet “Las doce uvas de la suerte” (Dymbëdhjetë rrushët e fatit). Besohet se sjell fat të mirë: në mesnatë hahet nga një kokërr rrushi për çdo goditje të orës, duke simbolizuar 12 muajt e vitit që vjen.

Zakoni daton nga fundi i shekullit XIX dhe u bë më i përhapur në fillim të viteve 1900, pas një viti me prodhim të bollshëm rrushi. Megjithatë, vitet e fundit ai ka marrë hov në rrjetet sociale, ku është shtuar edhe ideja që rrushi të hahet nën tavolinë.

“Allrecipes” sqaron:

“Ka variante të ndryshme se si hahet rrushi, në varësi të rajonit, por ky element i ri – ngrënia nën tavolinë – duket më shumë si një trend i rrjeteve sociale sesa një praktikë autentike historike.”

Ata shtojnë gjithashtu se, për ata që janë shumë supersticiozë, ekziston edhe “rrushi i duhur” për ritualin. Rrushi Aledo, një varietet tradicional spanjoll i mbrojtur me emërtim origjine, piqet i mbështjellë në qese letre, duke u bërë veçanërisht i ëmbël, me lëkurë të hollë dhe ngjyrë të çelët.

Rrushi i Vitit të Ri… nga supermarketi

Me popullaritetin e ri të kësaj bestytnie në rrjetet sociale, rrjeti i supermarketeve Tesco ka nxjerrë një paketë speciale për Vitin e Ri me 12 kokrra rrushi pa fara, me çmim rreth 1.45 euro, ose rreth 1.15 euro për anëtarët me Clubcard (konvertim i përafërt nga paundi britanik).

Kjo ka shkaktuar debat të madh online, ku shumë përdorues kanë kritikuar si traditën, ashtu edhe supermarketin.

@libbiemayfitzpatrick New Year’s Eve grapes at Tesco 🍇🕺🪩 #libbiefitzpatrick #fyp #trending #newin #tesco ♬ If you see us in the club – 💋💋

Një komentues shkroi:

“Jo, vajzat e mia e bënë këtë vitin e kaluar dhe patëm fat të keq gjithë vitin – mos e bëni.”

Një tjetër tha:

“E bëra këtë ritual Vitin e Ri të kaluar. Viti më i keq i jetës sime.”

Një i tretë ironizoi:

“Po blejmë fatin e mirë në Tesco për një euro.”

Ndërsa një koment tjetër shtonte:

“Është hera e parë që dëgjoj për këtë! Dhe çfarë mashtrimi – rreth 1 euro për vetëm 12 kokrra rrushi! Me atë çmim blen një kuti të tërë rrushi. Tesco di shumë mirë si të nxjerrë para.”

Nëse ky ritual sjell vërtet fat apo jo, mbetet e diskutueshme. Por një gjë është e sigurt: rrjetet sociale po arrijnë ta kthejnë edhe rrushin e Vitit të Ri në një fenomen. /GazetaExpress/