Të shtunën, me 20 maj në ora 19:00, në kuadër të edicionit të tretë të Festivalit të Letërsisë ZaNa, në Shkodër udhëtohet për një mbrëmje poetike në ambientet e këndshme të Qendrës Rinore Arka.
Poezitë do të përformohen nga pjesëtaret e grupit të shkrimit kreativ “Za” të përbëra nga: Esra Zhilivoda, Anesa Lahi, Eglantina Avdiu, Erina Aliqkaj, Gentiana Shyti, Diellëza Zhubi, nën mentorimin e NiK’ Istrefi.
Kjo ngjarje do të moderohet nga znj. Rozafa Shpuza.
Kjo ngjarje organizohet nga Fondacioni Dhemetra dhe përkrahet nga Zyra Zvicrane për Bashkëpunim në Prishtinë.