Yll Limani dhe Bonart Ajvazi, pjesë të edicionit të katërt të GrowthTank!

Rozë

Gazeta Express

29/10/2024 15:01

Jemi mësuar ta shohim Yll Limanin në skenat muzikore më të njohura, por këtë herë së bashku me menaxherin e tij Bonart Ajvazi, ai do të jetë pjesë e konferencës më të madhe të marketingut digjital në rajon, GrowthTank.

Ata do të jenë dy nga folësit kryesorë të këtij edicioni, ku më 8 Nëntor, në Klan Arena, do të prezantojnë temën “Disrupting the Beat: Art as Content”, gjatë së cilës do të diskutojnë rreth procesit të krijimit të hiteve muzikore, menaxhimin e markës personale, strategjitë e marketingut, shpërndarjen në platformat digjitale dhe ndikimin e tyre.

Ylli Limani është një nga artistët më të njohur të popit në Evropën Juglindore, i njohur për hite si “Buzet e kuqe,” “Malli,” “Marre,” “Tonat,” “Merri Krejt,” dhe “Jom ka du me t’pa.”

Ndërsa, Bonart Ajvazi është Drejtor Ekzekutiv dhe themelues i Three60 Music dhe 360 Media, dy kompani me ndikim të madh në industrinë muzikore me bazë në Prishtinë.