Werner mbërrin në Gjermani për testet mjekësore te Leipzigu

Sport

Gazeta Express

08/08/2022 22:36

Chelsea dhe Red Bull Leipzig kanë rënë dakord për transferimin e sulmuesit Timo Werner.

Sulmuesi gjerman po largohet nga Chelsea vetëm pas dy sezoneve, për t’u rikthyer sërish te klubi nga “Red Bull Arena” – transmeton Gazeta Express.

Werner ka mbërritur këtë të hënë në Gjermani dhe nesër është e planifikuar që t’u nënshtrohet testeve mjekësore, para se të nënshkruajë zyrtarisht kontratë 4-vjeçare me Leipzigun.

Da ist er! Timo #Werner checkt im Steigenberger ein, morgen Medizincheck. Vertrag bis 2026. #RBLeipzig #rbl pic.twitter.com/muVqni9Pmc

— BILD RB Leipzig (@BILD_rbleipzig) August 8, 2022

Chelsea do të fitojë 20 milionë euro nga shitja e 26-vjeçarit, teksa 10 milionë të tjera janë bonuse.

Werner ka luajtur te Leipzigu nga viti 2016 deri më 2020, kur u transferua te Chelsea për 53 milionë euro. /Gazeta Express/