Vrasja në Shkodër, viktima sapo doli nga servisi, kush ishte me të në makinë


Gazeta Express
20 Mars 2019 19:08

Një ngjarje e rëndë është shënuar në Shkodër, ku është vrarë me armë zjarri një person.

Ngjarja ka ndodhur në fshatin Grude dhe sipas informacioneve të para është qëlluar disa herë me armë zjarri teksa po lëvizte me një automjet.

Viktimë ka mbetur Ferdinand Polia, 36 vjec nga Thethi, i cili ishte pronar i një bujtine në këtë zonë.

Ai është qëlluar disa herë me armë, ndërsa nuk dihen ende rrethanat e ngjarjes. Policia po punon për zbardhjen e plotë, ndërsa është vënë në ndjekje të autorit/ve.

“Sot në ora 16.30, është derguar në Spitalin Rajonal Shkodër shtetasi N.P, i plagosur me armë zjarri. Megjithe perpjekjet per ti dhene ndihme mjekesore ai ka ndërruar jetë”, ka njoftuar policia.

“Panorama” mëson se autori dyshohet të ketë qenë një person me motorcikletë i cili ka pasur në kokë skafandë, të cilën dyshohet se e ka braktisur tek ura e Mesit. Viktima ndodhej në fouristradën e tij kur është qëlluar.

Fouristradën, Ferdinand Polia, sapo e kishte marrë nga servisi dhe pak pasi ka dalë prej tij, është qëlluar për vdekje.

Në makinë ai ka qenë bashkë me një person tjetër, punonjësi servisit, ndërsa në drejtim të tij është qëlluar me automatik.

Te fundit


Kthehu lart