Vrasja e dy motrave/ Refuzoi vazhdimin e lidhjes me shqiptarin nga Maqedonia, kush është autori

Shqiperi

Gazeta Express

31/12/2020 11:13

Një ngjarje tragjike ka ndodhur mëngjesin e sotmë në zonën e “Astirit” në Tiranë, ku një person ka qëlluar për vdekje 2 motra.

Mësohet se autori i kësaj ngjarje të rëndë është shtetasi Perparim Ademi, i cili bashkëjetonte me një nga motrat. Shqiptar i Maqedonisë ka qëlluar ndaj 2 motrave pasi e dashura e tij nuk ka pranuar të vazhdojë lidhjen me të.

Tiranë/ Informacion paraprak Më datë 31.12.2020, rreth orës 10:30, në Astir, shtetasi P. A., 59 vjeç, dyshohet se gjatë një konflikti të çastit, ka qëlluar me armë zjarri bashkëjetuesen e tij dhe motrën e saj, ende të paidentifikuara, të cilat si pasojë e plagëve të marra kanë ndërruar jetë. Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit. Janë ngritur pika kontrolli në të gjitha akset rrugore dhe vijon puna nga grupi hetimor, nën drejtimin e Prokurorisë, për sqarimin dhe dokumentimin e plotë të rrethanave të ngjarjes.