Vijojnë reshjet e dëborës në Korçë, ngrica në rrugë, vështirësohet qarkullimi në disa akse rrugore

Shqiperi

Gazeta Express

16/01/2021 9:36

Qarku i Korçës vijon që të jetë në ndikimin e motit të keq dhe me reshje të dendura bore.

Mbrëmjen e së premtes kanë vijuar reshjet e borës të shoqëruara edhe me erë në zonat malore.

Trashësia e borës ka arritur në 8 deri në 20 cm dhe temperaturat deri në -6 gradë.

Ndërkohë kalimi i mjeteve në akset rrugore në orët e paradites rekomandohet me zinxhire ose goma dimerorë .

Ndër të tjera për shkak të motit të keq vijon të ketë ndërprerje energjie në zonën e Proptishtit.