Gjatë ditës së sotme Kreu i Partisë Demokratike Lulzim Basha ka qenë në Kukës ku ka takuar disa banorë dhe është njohur me problematikat e qytetit verior.
Ai është ndalur në familjen e Myrteza Iseberit, i cili ka 4 djem, nga të cilët 3 janë larguar në emigrim.
Basha ka zhvilluar edhe një telefonatë me njërin nga djemtë e familjes që jeton ën Angli, i cili i ka thënë kryedemokratit “do vijmë të votojmë ta rrëzojmë atë qeveri”.
“Në Kukës u ndala në familjen e Myrteza Iseberit, të cilës i janë larguar të tre djemtë në emigrim. Blerimi, djali i kësaj familjeje, nga Anglia gjatë një bisede në telefon më shprehu padurimin për të larguar me votë atë që e detyroi që të largohej nga vendi bashkë me vëllezërit e tij.
Të rinj si Blerim Iseberi dhe vëllezërit e tij meritojnë një qeveri që e zhvillon vendin dhe e bën më të begatë, jo një qeveri që mendon për vete.
Për shtatë vite, Edi Rama dhe miqtë e tij e kanë lënë në baltë rininë shqiptare me premtime të pambajtura dhe me shkatërrimin e ekonomisë.
Është koha ta ndryshojmë Shqipërinë dhe të sjellim shpresë të re për të rinjtë dhe vendin”, shkruan Basha
Samsung një ndër brendet më të njohura në botën e teknologjisë, sjell një promovim shumë tërheqës me paketë dhuratash...