Martesa e 81-vjeçares Iris Jones, me një djalë 45 vite më të ri, u kthye në kryefjalën e mediave rozë disa muaj më parë.
Por së fundmi lajme të reja ka për çiftin më të famshëm.
Duket, se situata pandemike, i ka vështirësuar jetën çiftit, pasi partneri i saj 36-vjeçar, Mohamed Ahmed Ibriham, nuk po merr dot vizën angleze.
Ndërkohë që dhe 81-vjeçarja nuk mund të udhëtojë drejt Egjiptit për shkak të kufizimeve nga pandemia Covid-19.
Ndër të tjera, Jones tha se nuk ka kohë për të humbur dhe se e ka nxitur partnerin e saj të kërkojë shpejtimin e procesit para se të jetë tepër vonë.
“Kam ditë që jam mirë dhe ka ditë që vetëm qaj gjithë ditën. Jam ndarë nga dikush që e dua, është kaq e vështirë. Nuk kam shumë kohë në anën time”, është shprehur Jones ndër të tjera.
Djemtë e saj, Steve 54-vjeç dhe Darren 53 vjeç, kanë shprehur shqetësimin e tyre për marrëdhënien e nënës.
Ndërkohë, Jones këmbëngul se lidhja mes saj dhe Mohamed është shumë e fortë dhe e vërtetë.
Kujtojmë se çifti më i famshëm në botë, u njoh në rrjetin social Facebook, dhe u martua në një ceremoni në qytetin e Kajros, në Egjipt.