Vendim: Pas Çitakut, Konjufca kërkon edhe tërheqjen e Sahatqiut nga SHBA-ja

Gazeta Express

02/04/2020 13:55

Ministri në detyrë i Punëve të Jashtme, Glauk Konjufca, pas Vlora Çitakut, ka kërkuar edhe tërheqjen e Teuta Sahatqiut nga misioni diplomatik në Shtetet e Bashkuara të Amerikës.

Këtë vendim ku propozohet tërheqja e Sahatqiut, Konjufca e ka marrë më datën 31 mars të këtij viti, të cilin ia ka përcjellë edhe presidentit të shtetit, Hashim Thaçi, raporton Gazeta Express.

“Në emër të Qeverisë së Kosovës, propozoj tërheqjen nga misioni të znj. Teuta Sahatqija, Konsulle e Përgjithshme e Kosovës në Shtetet e Bashkuara të Amerikës /Nju Jork”, thuhet në vendim.

Ditë më parë Konjufca ka kërkuar largimin nga detyra edhe të disa ambasadorëve të tjerë, përfshirë edhe Vlora Çitakun. /GazetaExpress/