Veliu: S’ka takime me Vetëvendosjen, ofertën do ta shqyrtojmë por s’është serioze


Gazeta Express
14 Janar 2020 15:45

Nënkryetari i parë i Lidhjes Demokratike të Kosovës, Agim Veliu, ka folur për ofertën e fundit të Lëvizjes Vetëvendosje drejtuar partisë së tij, LDK

Veliu ka thënë se kjo ofertë nuk ka diçka të re dhe serioze që do të mundë ta zgjidhte situatën drejt një marrëveshje përfundimtare.

“Unë po flas personalisht nuk është diçka serioze. Jemi duke e shqyrtuar megjithatë nuk ka diçka të re. Nuk ka diçka serioze aty që mund të na nxjerrë prej situatës”, tha Veliu.

Megjithatë, sipas tij, kjo ofertë duhet të shqyrtohet brenda organeve të LDK-së.

“Duhet me shqyrtua me organet e LDK-së edhe besoj se do të bisedojmë për parime të marrëveshjes, nuk e di çfarë kemi të shqyrtojmë në këtë ofertë”, u shpreh Veliu për Telegrafin.

I pyetur se a do të mund të ketë takim brenda ditës së sotme mes Mustafës dhe Kurtit, nënkryetari i LDK-së u shpreh se “jo takime nuk besoj që ka, letrën e kemi marrë, në bazë të saj do t’i shqyrtojmë parimet dhe pozicionet tona”.

Ndryshe në ofertën e fundit që LV-ja i ka bërë LDK-së, është paraparë që kjo e fundit të qeverisë me 6 ministri si dhe ta marrë postin e presidentit.

Te fundit


Kthehu lart