Vdes aktori i cili luftonte për fëmijët që ishin viktima të dhunës


Gazeta Express
8 Tetor 2019 1:23

Aktori dhe komediani amerikan Rip Taylor, të cilin e quanin gjithashtu edhe si ‘komediani që qan’, ka vdekur në moshën 84 vjeçare në shtëpinë e tij në Beverly Hills, njoftojnë mediat botërore.

Lajmin e raportoi përfaqësuesi i tij për media, Harlan Boll, pa e specifikuar shkakun e vdekjes. Rip ishte unik dhe i njohur për faktin që publikut të tij dinte t’i hidhte konfeti, ndërsa mbante edhe mustaqe të dendura të dallueshme, veshje ekstravagante dhe stoli të dallueshme.

I pagëzuar Charles Elemer Taylor. Jr., Rip lindi në Washington në vitin 1935. Si viktimë e abuzimit në fëmijëri, jetën e vet ai ia kushtoi luftës për të drejtat e fëmijëve që ishin viktima të dhunës dhe ishte zëdhënës i shoqatave që i ndihmonin fëmijët e tillë, shkruan Koha.

Pasi u kthye në SHBA pasi shërbeu në luftën Koreane, filloi të depërtonte në industrinë e showbizit me paraqitjet në The Ed Sullivan Show dhe Merv Griffin Show në vitet e ’60-ta. Ishte prezantues i kuizeve të shumta, ndërsa më së shumti e bëri të famshëm spektakli i bukurisë ‘1.98 dollarë’, në të cilin garuesit luftonin për çmime sipas rregullave të konkursit të bukurisë.

Përveç si prezantues, ai e argëtoi publikun si aktor në serialet ‘The Brady Bunch Variety Hour’ dhe sitcomi ‘Santa Barbara’, ndërsa është shfaqur edhe në ekranet e mëdha të Hollywoodit në hitet si ‘Wayne’s World 2’, “Indecent Proposal’, ‘Chatterbox!’, ‘Jackass 3D’ dhe ‘Tom & Jerry: The Movie’.

Rip e kishte një miqësi të veçantë me skenaristin e Simpson, Tim Long. “Jo vetëm që ishte njeri i mirë dhe qesharak – dhe një zëdhënës i guximshëm për fëmijët që ishin viktima të dhunës – Rip ishte, për mua personalisht, subjekti i talljes më qesharake që e kemi menduar ndonjëherë në The Simpsons, në të cilën të famshmit e vdekur ngrihen nga varri për t’u ankuar se fotografitë e tyre përdoren për t’u rritur shitjet e produkteve,” shkroi Tim në Twitter duke i thënë lamtumirën e fundit kolegut të dashur.

Artikull i sponsoruar

Te fundit


Kthehu lart