Valon Syla: Burimet thonë që nesër në Bruksel prezantohet një draft i Statutit të Asociacionit

Lajme

Gazeta Express

01/05/2023 21:06

Gazetari Valon Syla ka thënë në emisionin Pressing në T7 se më 2 maj në Bruksel do të prezantohet statuti i Asociacionit të komunave me shumicë serbe në Kosovë.

Syla ka thënë se Asociacioni do të ketë elemente të mëdha të autonomisë. Ai thotë për kryeministrin e Kosovës, Albin Kurti, se është në dijeni për statusin.  

“Burimet thonë që nesër në Bruksel prezantohet një draft i Statutit të Asociacionit”

“Është FES, një draft i cili ju ka jep palëve. Nuk është se Albin Kurti nuk e din, nuk është se serbët nuk e dinë. Ka pasur deklarata nga Aleksandër Vucic që ne e kemi përpiluar kryesisht këtë draft. E këtu normalisht se ky fondacioni gjerman ju ka dhënë të drejtë palëve që të vënë inputin e tyre aty”, tha ai.             

“Ose sic po thonë me gjuhë të VV-së, Zajednicë në veri, e Asociacion në jug. Komunat në veri do të jenë thuajse një pushtet tjetër. Ndërsa këto komunat në jug do të kenë autonomi të zgjeruar”, shtoi ai. /Gazeta Express/