Valbon Krasniqi konfirmon se 21 vjeçarja që vdiq pas lindjes ishte e prekur me COVID -19

Gazeta Express

10/07/2020 22:52

Ka humbur jetën një lehonë e cila ishte e prekur me Covid-19. 21 vjeçarja nga Podujeva me inicialet D.P. pas orë pasi ka kryer lindjen me prerje cezariane ka vdekur.

Lajmin e ka konfirmuar infektologu Valbon Krasniqi.

“Mund të konfirmoj se nga shefi i Njësisë Intensive të Mjekësisë Intensive mu konfirmua se ka ndërru jetë pacientja nga komuna e Podujevës e cila para disa orëve për shkak të gjendjes urgjente është dërguar në spitalin e Gjinekologjisë për tu kryer lindja me anë të prerjes cezariane dhe fatkeqësish pas kthimit në intensivë nuk i ka mbijetuar infeksionit me Covid-19”, tha Krasniqi në RTK.

Krasniqi u ka shprehur ngushëllime familjarëve.

E ndjera e lindur në vitin 1999 sot në orët e pasdites kishte kryer lindjen me prerje cezariane.

Ajo ishte sjell në Klinikë në gjendje të rëndë dhe me urgjencë i ishte kryer lindja.

Ajo ishte në javën e 36 të shtatzënisë.

Ndërkohë raportohet se gjendja e foshnjës është e mirë.

Tre persona kanë vdekur nga koronavirusi i ri gjatë 24 orëve të fundit në Kosovë, duke e çuar numrin e përgjithshëm të viktimave në 97.

Instituti Kombëtar i Shëndetit Publik (IKSHPK) ka njoftuar se janë regjistruar edhe 205 raste të reja me koronavirus pas testimit të 388 mostrave.

Numri i përgjithshëm i të infektuarve ka arritur në 4.512, kurse numri i rasteve aktive është 2.259.