Ushtarët shqiptarë të KFOR-it kryejnë stërvitje në Pejë: Krah për krah me partnerët, të përgatitur për çdo sfidë

Lajme

Gazeta Express

19/07/2025 19:33

Ushtarët shqiptarë të angazhuar në KFOR kanë kryer stërvitje në Pejë, e cila ishte e fokusuar në evakuimin mjekësor ajror.

Kjo është bërë e ditur nga Ministria e Mbrojtjes së Shqipërisë.

‘‘Efektivët e Batalionit Komando, pjesë e Misionit KFOR 07 në Komandën Rajonale Perëndimore (RC-W), vazhdojnë të tregojnë profesionalizëm dhe përkushtim jo vetëm në përmbushjen e detyrave operacionale, por edhe në stërvitjet e përbashkëta me aleatët tanë të NATO-s.

Stërvitja HELI MEDEVAC, e fokusuar në evakuimin mjekësor ajror, ishte një tjetër dëshmi e gatishmërisë dhe disiplinës së trupës sonë.

🇦🇱 Krah për krah me partnerët, gjithmonë të përgatitur për çdo sfidë.”, thuhet në njoftim.