URF: Vdekja e dy grave nga dhuna, alarmante. Mbështetje për të dhunuarat dhe institucionet vendore që të parandalojmë rastet

Shqiperi

Gazeta Express

08/08/2024 12:22

United Rights Foundation ka dënuar rastet e dhunës që sollën humbjen e jetës së dy grave në Shqipëri. Përmes një reagimi në rrjete sociale URF shkruan se përvec shërbimeve psiko-sociale falas për vajzat e gratë që kanë rënë pre e dhunës në familje, do të ofrojë edhe mbështetje të institucioneve vendore në lidhje me parandalimin e rasteve të dhunës në familje.

“URF dënon dy rastet fundit të dhunës ndaj grave të cilat çuan në humbjen e jetës prej bashkëshortëve të tyre. Këto raste janë një alarm i dukshëm se terreni i dhunës brenda dyerve të mbyllura është shumë i vështirë e ne si shogëri nuk kemi bërë mjaftueshëm për të shpëtuar keto vajza, gra e nēna nge kalvari i vuajtjeve pa shteg të dorës vrastare.
URF përvec shërbimeve psiko-sociale falas për vajzat e gratë pjesë e ciklit vicioz të dhunës në familje, do të ofrojë edhe mbështetje të institucioneve vendore në lidhje me parandalimin e rasteve të dhunës në familje, referimin e rasteve për trajtim dhe ngritjen e shërbimeve nbështetëse e ri-integruese në shoqëri për vajzat e gratë e dhunuara.
Kontaktoni me ne per cdo rast denoncimi dhune Email:[email protected] Nr Celi :+355 69 330 8841″, thuhet në reagim.