Ky është Shpati Lena një nga viktimat e atentatit të djeshëm në autostradën Vlorë-Fier.
Ai u ekzekutua në ditën e lindjes së bashku me mikun e tij Hakim Xhezon teksa po udhëtonin me makinë nga Vlora drejt Fierit.
Tre autorët që ishin me një makinë tip BMË i kanë ndjekur prej ditësh. Dje ka qenë momenti i duhur për killerat me pagesë pasi viktimat nuk kishin marrë makinën e blinduar me të cilën kanë lëvizur vazhdimisht.
Në afërsi të fshatit Panaja rreth orës 10:00 të ditës së djeshme autorët dolën në krah të mjetit makinës me të cilin po udhëtonin shënjestrat. Ndaj tyre u qëlluan rreth 30 plumba kallshnikovi.
Si pasojë e breshërisë së plumbave makina e viktimave ka rënë në kanal. Autorët ia kanë mbathur. Jo shumë minuta pas vrasjes në Çerven të Fierit u gjet duke u djegur mjeti BMË që dyshohet se është e autorëve. Makina e djegur i gjet rreth 25 km nga vend i atentatit dhe ishte e vjedhur dhe me targa italiane të falsifikuara.
2 janë pistat ku është fokusuar policia për vrasjen, ajo e hakmarrjes për shkak të së shkuarës së viktimave dhe ajo e tregëtimit të lëndëve narkotike.
/Gazeta Express