Turqia i arreston modelet ukrainase që pozuan të zhveshura mbi jahti gjatë Ramazanit

Lajme

Gazeta Express

08/05/2021 11:39

Një ngjarje e pakëndshme ka ndodhur në Turqi, pasi vendasit nuk i kanë pritur mirë mysafirët në qytetin turistik të Fethiye, për shkak se disa modele janë filmuar të zhveshura në ambiente publike.

Kjo gjë ka nxitur reagime, madje ka ndërhyrë edhe policia e cila ka bërë të mundur ndalimin e modeleve që fotografuan njëra-tjetrën në një jaht luksoz, teksa disa prej tyre u shfaqën të zhveshura lakuriq. Vendasit thuhet se panë dy burra dhe gjashtë gra që po bënin një festë të pazakontë.

Ata lajmëruan policinë, e cila i arrestoi menjëherë.

Një vendas tha për mediat lokale se këto lloj pamjesh gjatë periudhës së bllokimit dhe gjatë muajit të shenjtë të Ramazanit kanë shkaktuar një “zemërim” të madh te banorët.