Që prej nisjes së pandemisë codiv19, mjeku i njohur Tritan Kalo ka qenë ndër personat që ka qenë në ballë të saj.
Por shpesh nuk kanë munguar qëndrimet e tij kritike në rrjetet sociale si ndaj personave të papërgjegjshëm ashtu edhe nda politikanëve që janë përpjekur të bëjnë politikë më pandeminë.
Kalo shprehet se Shqipëria gjendet përballë sfidave shumë të mëdha jo vetëm shëndetësore, por edhe ekonomike e politike.
Mesazhi nga Tritan Kalo:
NJË RIKUJTESË në këto “Kohë Covidiane”, për GJITHOLLOGËT tanë militantë të sëmurë të të gjitha kahjeve politike, kur Shqipëria jonë gjendet përballë sfidave shumë-shumë të mëdha jo vetëm shëndetësore, POR edhe ekonomike e politike:
“Po deshe të jesh i mençur, mësoju të pyesësh me mend, të dëgjosh me vëmendje, të përgjigjesh i qetë dhe të pushosh së foluri, kur nuk ke çfarë thua.” (një thënie nga “i pak dituri” Albert Ajnshtain)….
DEMOKRACIJA e vërtetë dhe jo DEMON-KRACIJA “Made in Albania”, është në vetvete një UNITET veprimesh në diversitetin e mendimeve, POR vetëm e vetëm kur veprimet e bazuara në këto mendime, ndjekin të gjitha udhën e pa gropëzuar drejt MBROTHËSIMIT socio-ekonomiko-politik të SHQIPËRISË, dhe jo atë të theqafjes së saj si deri më sot!!!…Quo vadis Shqipëria ime!!!