Transportonte 4 emigrantë ilegalisht, arrestohet 19-vjeçari në Sarandë (EMRI)

Shqiperi

Gazeta Express

26/03/2023 11:35

Një 19-vjeçar në Sarandë është arrestuar nga policia, pasi po transportonte 4 emigrantë në mënyrë të paligjshme.

Mësohet se shtetasi Kajtaz Braho i ndihmonte me qëllim kalimin e paligjshëm të kufirit, kundrejt një pagese.

Njoftimi i policisë:

Kapet në flagrancë, duke transportuar kundrejt pagesës, me automjet, 4 emigrantë, me qëllim kalimin e paligjshëm të kufirit, vihet në pranga 19-vjeçari.

Shërbimet e Policisë Kufitare në Sarandë, në bashkëpunim me shërbimet e FRONTEX-it dhe shërbimet e Komisariatit të Policisë Sarandë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, kanë konstatuar një rast tjetër të kësaj veprimtarie.

Si rezultat, u arrestua në flagrancë shtetasi K. B., 19 vjeç, banues në Sarandë, për veprën penale “Ndihma për kalim të paligjshëm të kufijve”.

Ky shtetas u kap në flagrancë, në aksin rrugor “Çukë-Dritas”, duke transportuar me automjet, kundrejt përfitimit, 4 emigrantë, me qëllim kalimin e paligjshëm të kufirit.

Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme.

/Gazeta Express