Policia në Iran arrestoi një mashkull për vrasjen e bijës së tij 14 vjeç në të ashtuquajturin ‘vrasje nderi’ qe ka shkaktuar zemërim në Iran.
Romina Ashrafi iku nga shtëpia e saj në provincën Gilan me të dashurin e saj 35 vjeç pasi babai i saj kundërshtoi martesën, raportojnë mediat lokale.
Çifti ishte gjetur nga policia dhe Romina ishte dërguar në shtëpi megjithëse ju kishte thënë policisë se ajo frikësohej për jetën e saj.
Të enjten e kaluar, ajo raportohet se ishte sulmuar nga babai i saj në dhomën e saj të fjetjes. Sipas portalit Gilkhabar.ir Rominës i ati i këputi kokën me drapër dhe pas aktit kishte dalë jashtë shtëpisë “me drapër në dorë dhe kishte pranuar fajin”.
Të mërkurën, disa gazeta kombëtare në Iran e kishin në faqet e para tregimin e vrasjes së Rominës.
Në të njëjtën kohë hashtag #Romina Ashrafi është shfrytëzuar mbi 50 mijë herë në rrjetin social Twitter me shumicën e shfrytëzuesve që e dënojnë vrasjen dha natyrën patriarkale të shoqërisë në Iran në përgjithësi.
Shahindokht Molaverdi, sekretarja e Shoqërisë për Mbrojtjen e të Drejtave të Grave në Iran shkroi:: “Romina nuk është e para dhe nuk do të jetë e viktima e fundit të vrasjeve të nderit.” Ajo shtoi se vrasje të tilla do të vazhdojnë “derisa ligji dhe kultura dominuese në komunitetet globale dhe lokale nuk i mohojnë sa duhet”.
Kodi penal i Iranit i zbut dënimet për etërit dhe anëtarët e tjerë të familjes që janë dënuar për vrasjen apo dëmtimin fizik të fëmijëve gjatë dhunës në familje apo ‘vrasje nderi’.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...