Test shtesë për maturantët, konkursi për mjekësinë nis në vitin 2023

Shqiperi

Gazeta Express

06/10/2022 12:40

Krahas provimeve të maturës shtetërore dhe mesatares së lartë, të gjithë maturantët që duan të ndjekin degën e Mjekësisë së Përgjithshme do t’i nënshtrohen edhe konkursit online.

“Kanë detyrim të japin edhe një provim tjetër, i cili është një provim që zhvillohet në mjediset e Qendrës së Shërbimeve Arsimore, është provim i automatizuar, siç bëhet provimi i portalit, siç bëhen provimet e licencave, në mënyrë që të shmanget edhe gabimi edhe fiktiviteti.

Drejtuesja e Qendrës së Shërbimeve Arsimore, Aurora Balliu foli për pjesën teknike të këtij testi, i cili do të do të mbulojë lëndët Biologji, Kimi dhe Fizikë”, tha ministrja e Arsimit.

/Gazeta Express