Temperaturat sa vijnë e rriten dhe ju nuk i duroni dot, ja disa metoda të thjeshta si të krijoni një ambjent sa më të freskët


Gazeta Express
11 Qershor 2019 7:55

Vapa është ana tjetër e medaljes e stinës së verës. Ka nga ata që e përballojnë më së miri por dhe nga ata që vuajnë prej saj.

Por ilaçi më i mirë kundër nxehtësisë së vapës, të paktën në ambient të mbyllura është ajri i kondicionuar. Por jo të gjithë e kanë. Atëherë? Ja disa këshilla se si ti mbijetosh vapës me humor të mirë.

Kondicioneri
Sigurisht që është shpëtimi i verës, por duhet përdorur në mënyrë të duhur që të mos rrezikojmë ndonjë ftohje në mes të stinës. Temperatura duhet mbajtur 4-5 gradë më pak se ajo e ambientit. Dhe mos harroni, çdo mëngjes të ajrosni shtëpinë.

Freskuesja
Është më ekonomike se kondicioneri, por kujdes mos qëndroni përballë saj që të shmangni ftohjen. E mira do ishte ta linin të rrotullohej për të qarkulluar ajrin.

Freskuesja shtëpiake
Është një nga këshillat më të vlefshme të gjysheve tona. Mbajini mbyllur grilat sidomos nga ana e shtëpisë ku dielli bie gjithë ditën. Mëngjesi dhe darka janë momentet më të mira për të freskuar ambientin. Gatimin më mirë lëreni për në darkë kur vapa bie disi.

Dush të vakët
Tani në verë mund të ndodhë të bëni dush dhe disa herë në ditë, por kujdes! Jo me ujë të ftohtë, por dhe as të nxehtë. Një dush me ujë të vakët është ideal

Lëngjet
Sa më shumë lëngje për të mbajtur të hidratuar trupin por shmangni pijet e gazuara.

Artikull i sponsoruar

Te fundit


Kthehu lart