Të frikshme vetëm për t’i menduar: 11 gjërat që do të ndodhnin me planetin tonë, nëse pyjet e Amazonës do të digjeshin plotësisht!


Gazeta Express
18 Shtator 2019 7:03

Pyjet në Amazona po zvogëlohen me një shkallë alarmante dhe sipas të dhënave, ne jemi duke humbur një “fushë futbolli” të pyllit në Amazona, në çdo minutë.

Zjarret, shpyllëzimi dhe ngrohja globale po copëtojnë pyjet e fuqishme ndërsa flasim, dhe vetëm këtë vit, pati një rekord 74,000 zjarresh në Brazil, shkruajnë mediat e huaja, përcjell Telegrafi.

Po, “mushkëritë e Tokës” po përballen me një fshirje të mundshme nga faqja e dheut, por nëse Amazona do të zhdukej në të vërtetë, pasojat do të ishin frikësuese.

Në këtë drejtim, Bright Side ka bërë një listë prej 11 gjërash apo thënë më mirë pasojat e frikshme, por të mundshme, të cilat mund të ndodhin me planetin tonë, nëse Amazona do të zhdukej me të vërtetë.

1. Pothuajse gjysma e specieve të bimëve, kafshëve dhe mikroorganizmave në botë do të shkatërroheshin.

Pyjet e Amazonës janë shtëpia e 10% të specieve të botës, duke përfshirë 40,000 specie bimore, 3,000 lloje peshqish, mbi 370 lloje zvarranikësh dhe 2.5 milionë lloje të insekteve.

Sipas shumë ekspertëve, ne aktualisht po humbasim 137 lloje kafshësh, bimore dhe insektesh çdo ditë. Kjo shton deri në rreth 50,000 lloje në një vit të vetëm, që është një katastrofë për biodiversitetin e botës. Nëse kjo prirje vazhdon me ritmin aktual, ne do të humbnim gati gjysmën e specieve të botës, përfshirë 118 specie të rrezikuara.

2. Do të ketë një humbje gjigante të mundësive mjekësore, pasi 90% e sëmundjeve njerëzore janë të shërueshme me ilaçe që rrjedhin nga natyra e Amazonës.

Bota moderne mjekësore fjalë për fjalë varet nga pasuritë e pyjeve të Amazonës. Nëse pylli zhduket, kështu do të ndodhë edhe me shëruesit e shumë sëmundjeve.

Aktualisht, 121 ilaçe pa recetë, përfshirë barnat që trajtojnë glaukomën, leukeminë, sëmundjet e zemrës dhe malarinë, rrjedhin nga bimët që gjenden në pyjet e Amazonës.

Dhe duke pasur parasysh që pylli në Amazona është shtëpia e 80,000 specieve bimore, nga të cilat vetëm 1% janë testuar për potencialin e tyre medicinal, ne do të humbnim të gjitha burimet natyrore që mund të fshihen potencialisht kurat për shumë sëmundje vdekjeprurëse.

3. Do të ketë periudha më të gjata të motit të thatë dhe sasi masive të përmbytjeve.

Nëse shkatërrohet pylli i Amazonës, reshjet do të ulen rreth rajonit pyjor. Kjo do të shkaktonte një efekt të tepërt, dhe do të nxiste një ndryshim shtesë në ndryshimin e klimës, që do të rezultonte në më shumë thatësira, periudha më të gjata të thata dhe përmbytje të mëdha.

Në fund të fundit, përcjell Telegrafi, pasojat do të ndiheshin në çdo cep të planetit tonë pasi thatësira të mëdha dhe përmbytjet ekstreme do të çonin në një shkatërrim masiv të botës së kafshëve, rritjen e erozionit dhe përhapjen e sëmundjeve infektive. Mjerisht, pylli i Amazonës tashmë po vëren një ulje të reshjeve me 25% në disa rajone.

4. Më shumë gaze serë do të lëshoheshin që do të shpejtonin procesin e ngrohjes globale.

Pemët dhe bimët thithin dioksidin e karbonit, dhe ndërsa ato zhduken nga pyjet e Amazonës, ata do të lëshojnë miliarda tonë karbon që pylli ka ruajtur me vite.

Shkatërrimi i mundshëm do të lëshonte 5 deri në 6 herë më shumë gazra serë sesa normalisht, të cilat do të ndikonin në cilësinë e ajrit dhe temperaturat, duke shpejtuar përfundimisht procesin e ngrohjes globale.

5. Më pak reshje shiu dhe thatësirë e shtuar do të kërcënonte bujqësinë, ujin dhe furnizimet ushqimore.

Temperaturat e ngrohta, thatësirat e gjata dhe përmbytjet e shpeshta gjithashtu do të humbin vlerat e tyre në bujqësi, ujë dhe furnizime ushqimore.

Ulja e reshjeve do të çojë në një rritje të infeksioneve nga dëmtuesit dhe sëmundjet, dhe më pak ujë do të thotë më pak burime për mbjelljen dhe mirëmbajtjen e të lashtave. Kjo do të dëmtonte rëndë rendimentet bujqësore, të cilat, si kthim, do të kufizonin furnizimet tona ushqimore.

6. Do të humbnim 80% të llojeve të ushqimit që marrim në të gjithë botën.

Ka mbi 3000 fruta në pyjet e Amazonës që janë të ngrënshëm. Pyjet prodhojnë 80% të ushqimit në botë, përfshirë avokado, fiq, portokall, limon, banane, mangos, ananas, kafe, arrë kokosi, çokollatë dhe domate. Humbja e pyllit të Amazonës do të përcaktojë ndjeshëm furnizimin tonë me ushqim.

7. Cilësia e ajrit do të bjerë dhe ne do të fillojmë të thithim më shumë CO2.

Sipas Organizatës Botërore të Kafshëve të Egra, pyjet në Amazona ruajnë rreth 100 miliardë tonë metrikë karboni.

Nëse pyjet e Amazonës digjen, ajo do të bëhet një burim, në vend se një depozitë për dioksid karboni.

Lexo po ashtu:

SHBA-të dërgojnë aeroplanin më të madh cisternë në botë për të fikur zjarrin në Amazonë, rezervuarët e tij kanë kapacitet prej 80 mijë litra ujë

SHBA-të dërgojnë aeroplanin më të madh cisternë në botë për të fikur zjarrin në Amazonë, rezervuarët e tij kanë kapacitet prej 80 mijë litra ujë

Shkatërrimi i mundshëm do të thoshte që pylli do të ndalojë riciklimin e CO2 në oksigjen, dhe kjo do të ndikonte në cilësinë e ajrit në të gjithë planetin.

8. Një ulje e reshjeve do të rritë motin e thatë dhe do të shkaktojë më shumë zjarre pyjore në vende tjera.

Duke lënë mënjanë faktin se zjarret e krijuara nga njeriu po mundojnë pyjet e Amazonës, nëse temperaturat rriten deri në 3 gradë Celsius, zjarret natyrore do të zhduknin 75% të Amazonës.

Për më tepër, kjo do të krijonte një reaksion zinxhir, dhe humbja e pemëve do të çonte në një ulje të reshjeve, e cila si rezultat do të shkaktonte periudha më të thata të motit, duke shkaktuar përfundimisht më shumë zjarre pyjore në të gjithë globin.

9. Rreth 30 milionë njerëz që strehohen në pyje do të humbnin shtëpitë e tyre.

Amazona është shtëpi për më shumë se 30 milionë njerëz, 2.7 milionë prej tyre janë indigjenë.

Më shumë se 350 grupe etnike varen vetëm nga pyjet e Amazonës. Edhe pse shumë prej tyre jetojnë në vende urbane, të gjithë banorët mbështeten vetëm në burimet natyrore të Amazonës për ushqim, strehim dhe ilaç tradicional.

10. Do të humbnim 20% të ujërave të ëmbla në botë.

Lumi Amazona ruan 1/5 e ujit të freskët të tokës, i cili sjell shumë përfitime si për njerëzit e Brazilit ashtu edhe për mjedisin.

Çdo sekondë, afërsisht 175,000 metra kub ujë të ëmbël shkarkohet nga lumi Amazona në Oqeanin Atlantik, përcjell Telegrafi.

Uji i ëmbël është i rëndësishëm sepse siguron lëndë ushqyese nga bimët, kafshët, kërpudhat dhe mineralet.

Mungesa e reshjeve do të ketë një ndikim shkatërrues në sistemin e ujërave të ëmbla dhe hyrjen e lëndëve ushqyese në lumë.

11. Do të humbnim 70% të 3,000 bimëve që janë aktive kundër kancerit.

Nga 3000 bimë që janë aktive kundër qelizave të kancerit, 70% e tyre gjenden në pyje, përfshirë Periwinkle, ilaçi antikancerogjen më i fuqishëm në botë.

Që nga zbulimi i tij, vetëm ky ilaç ka rritur në mënyrë drastike shkallën e mbijetesës për fëmijët që vuajnë nga leukemia akute. Ilaçi nxirret nga bima Vincristine, e cila i ka rrënjët në pyjet.

Te fundit


Kthehu lart