Të divorcuar, por gazetarja shqiptare dhe ish- burri e hapin një biznes së bashku


Gazeta Express
20 Nëntor 2019 19:22

Ajo është e njohur ndryshe si gazetarja e kronikës së zezë, e cila është gjithmonë aty ku është lajmi. Bëhet fjalë për gazetaren Anduena Llabani, e cila është gjithmonë tërheqëse dhe e kururar në çdo dalje të saj. Llabani  është mami i një vogëlushi shumë simpatik dhe energjik të quajtur Aleksei.  

Ajo dhe ish-bashkëshorti i saj Ardit Jaupi, kanë qenë së bashku për 12  vite, por janë divorcuar në vitin 2016. Ata kanë një komunikim shumë të mirë me njëri-tjetrin, dikur partnerë në jetë, ndërsa sot partnerë në biznes.

Ardit Jaupi: Ka shumë gjëra që mund të na ndajnë, por edhe akoma më tepër që mund të na bashkojnë. Forca dhe fuqia jonë është djali. Dhe kjo na bën të jemi në festa, në gëzime, në shkollë të pranishëm. Pra, kudo ku ai ndodhet ne jemi aty dhe jemi bashkë.

Anduena dhe Arditi kanë qenë të ftuar në programin “Rudina”, ku kanë folur për marrëdhënien mes tyre dhe biznesin e ri.

Ardit Jaupi: Ne jemi të dy të rritur dhe ishte një vendim që u mor i përbashkët, sepse në këndvështrimin tonë, mendojmë që kur disa gjëra nuk shkojnë, është më mirë që çiftet mos vazhdojnë bashkë, sepse gjithë atë energjinë e keqe ose jo pozitive, e transmetojnë dashje pa dashje tek fëmijët. Menduam që më mirë të jemi të distancuar, por gjithë energjinë pozitive ta rezervojmë për djalin tonë.

Prej disa muajsh ata kanë hapur një restorant që ka specialitet pastat dhe mban emrin ‘Siesta’.

Anduena Llabani: Çdo njeri në jetë vjen për të na mësuar diçka. Ka shumë gjëra që unë mësoj nga Arditi dhe shumë gjëra që Arditi mëson nga unë. Mendoj që asnjëherë njeriu nuk duhet të jetë egoist për të parë deri ku  shkon ai, duhet t’i shikojmë të dy bashkë. Ne kishim vendosur të ishim bashkë, të bashkëjetonim, vendosëm të ndahemi, por kemi vendosur të jemi partnerë në biznes. Kjo është një arsye, që ato dreka dhe darkat tona në fundjavë, të mos i kalojmë më jashtë në restorante të ndryshme, por të mblidhemi në restorantin tonë, ku Aleksei ndihet si në një shtëpi të dytë. Aty mblidhemi edhe me familjen tona herë pas here, kjo na bën të jemi më të fortë dhe ta shohim jetën më të gjatë”. /tvklan.al


Te fundit


Kthehu lart