Syla: Kurti e humbi betejën me tabela e dinarë, tash e aktivizoi Rashiqin për konferencë ndërkombëtare - Gazeta Express
string(100) "syla-kurti-e-humbi-betejen-me-tabela-e-dinare-tash-e-aktivizoi-rashiqin-per-konference-nderkombetare"

Syla: Kurti e humbi betejën me tabela e dinarë, tash e aktivizoi Rashiqin për konferencë ndërkombëtare

Lajme

Gazeta Express

22/02/2024 21:13

“Mund të ketë konferencë ndërkombëtare për marrëveshje Kosovë-Serbi”, ka thënë të martën Nenad Rashiq, ministër për Komunitete dhe Kthim në Qeverinë e Kosovës.

Për këtë çështje po diskutohet të enjten në “Pressing” të T7, ku gazetari Valon Syla tha se çështja e konferencave ka përfunduar me atë të Vjenës.

Lexo Edhe:

Por, sipas Sylës një konferencë e tillë i konvenon kryeministrit të Kosovës, Albin Kurti dhe presidentit të Serbisë, Aleksandër Vuçiq.

Ka shtuar se Rashiq është në pjesën e politikave të Qeverisë së Kurtit, duke aluduar në shfaqjen e kësaj ideje.

Sipas Sylës, Kurti ka humbur betejën në çështjen e tabelave dhe të dinarit – duke shtuar se tashmë ka mbetur pa agjendë në politikën e jashtme.

“Unë mendoj që Rashiq është në pjesën e politikës së Qeverisë e cila me tabela të veturave dhe dinarë ka marrë goditje të mëdha ndërkombëtare, dhe tash ka mbetur pa agjendë politika e jashtme e Kurtit. Tash del Rashiq që i konvenon edhe Kurtit, edhe Vuçiqit, që tash në mes të luftërave në Ukrainë e Gazave, që ta barazojmë situatën”, ka thënë Syla. /Gazeta Express