Sulmohen policët në Mitrovicë, njëri rrëzohet përtokë me shqelm

Gazeta Express

29/07/2020 20:12

Disa zyrtarë policorë janë sulmuar fizikisht ndërsa po kryenin detyrën e tyre tek rrethi kryesor në Mitrovicë.

Klan Kosova merr vesh se e gjithë ngjarja ndodhi për shkak të një mosmarrëveshje mes disa qytetarëve me policinë, për shkak të zonës së parkingut.

Siç shihet në pamjet e Jepi Zë, policia ndalon një person dhe provon ta nxjerrin nga vetura pas rezistencës, por rreziku erdhi nga ana tjetër.

Një tjetër person godet policin me shqelm dhe e gjuan përtoke. Polici i drejton armën për ta ndalur por ai vazhdon përsëri.

Lidhur me këtë rast mësohet poashtu se janë duke u intervistuar tre persona të dyshuar të përfshirë në këtë ngjarje.