Stuhia “Filomena” ka goditur Shqipërinë, fundjava do të jetë e ftohtë, temperatura deri në -14 gradë

Shqiperi

Gazeta Express

15/01/2021 15:54

Gjatë ditëve të fundit, vendi ynë është prekur nga ulja e ndjeshme e temperaturave.

Sipas parashikimit nga Mateoalb, edhe fundjava do jetë gjithashtu me një mot të ftohtë. Mëngjeset këtë fundjave pritet të karakterizohen nga temperatura të ulëta.

“Shqipëria është prekur së fundmi nga një ulje e ndjeshme e temperaturave. Fundjava pritet që të jetë gjithashtu me mot të ftohtë. Mëngjeset këtë fundjave pritet të karakterizohen nga temperatura të ulëta”, thuhet në njoftimin e Meteoalb.

Në zonat malore, temperaturat pritet të shkojnë deri në minus 14 gradë celcius.

 “Temperaturat në zonat malore pritet të jenë të ulëta, deri minus 14 gradë.Nga e mërkura pritet të ketë një përmirësim, kur edhe do të nisë një dimër normal e jo me temperaturat e tanishme të ftohta. Moti i ftohtë vjen si pasojë e stuhisë Filomena, që ka goditur vendin”, thuhet më tej në parashikimin e Meteoalb.