ATK lëshon gjoba në vlerë mbi 48 mijë euro për bizneset që s’kanë printuar kuponë fiskal

Gazeta Express

25/02/2020 14:05

Administrata Tatimore e Kosovës ka njoftuar se ka zhvilluar aksion në Prishtinë, ju janë lëshuar 221 gjoba mandatare, në vlerë prej 48 mijë e 375 euro, raporton Express.

Përmes një komunikate drejtuar mediave, ATK’ja ka bërë me dije se gjatë këtij aksioni janë inspektuar 41 biznese.

“Gjatë aksionit në fjalë janë inspektuar 41 biznese, ku si rezultat 34 prej tyre kanë qenë të  fiskalizuara,  20 prej tyre nuk kanë printuar kuponë fiskal, ndërsa 7 të tjera nuk kanë pasur të instaluara pajisjet elektronike fiskale. Nga konstatimet e bëra në teren janë lëshuar 221 gjoba mandatare,  në vlerë prej 48, 375 euro”, thuhet në komunikatë.

ATK ka paralajmëruar se aksione të tilla do të zhvillohen edhe gjatë ditëve në vijim, në mënyrë që gjithë tatimpaguesit të kenë trajtim të barabartë nga ATK gjatë  zbatimit të Legjislacionit Tatimor./Express