S’po mund të dërgoni mesazhe në WhatsApp? Çfarë i ndodhi aplikacionit

AutoTech

Gazeta Express

26/10/2022 20:44

WhatsApp, aplikacioni i komunikimit në pronësi të Meta, i cili përdoret nga shumë njerëz për mesazhe të shpejta, thuhet se po përballet me një problem.

Përdoruesit e WhatsApp në shumë vende të botës, përfshirë edhe Shqipërinë, aktualisht nuk janë në gjendje të dërgojnë dhe marrin mesazhe.

Ndërprerja po prek si bisedat personale, ashtu edhe bisedat në grup.

DownDetector dhe WaBetaInfo, dy shërbime të internetit që gjurmojnë aplikacionin Facebook, kanë konfirmuar ndërprerjen. DownDetector, i cili mori mbi 60,000 ankesa për problemin nga përdoruesit në një hark kohor prej një ore, raporton se WhatsApp po përballet me ndërprerje globalisht.

Kompania mëmë e WhatsApp, Meta, e ka pranuar ndërprerjen dhe aktualisht po punon për rregullimin. Megjithatë ende nuk ka një deklaratë të drejtpërdrejtë nga WhatsApp ose Meta që shpjegon se çfarë e shkaktoi ndërprerjen.