Sociedadi nuk ia vazhdon kontratën Januzajt

Futboll

Gazeta Express

23/05/2022 11:38

Adnan Januzaj nuk do të luajë më në Real Sociedad.

Futbollistit kosovar do t’i skadojë kontrata me klubin spanjoll më 30 qershor dhe ai nuk do të vazhdojë të jetë pjesë e klubit nga La Liga.

Ishte vetë Sociedadi që e konfirmoi ndarjen me përfaqësuesin belg.

Negociatat në mes të palëve janë zhvilluar qe një kohë, por nuk kanë arritur marrëveshje për nënshkrimin e kontratës së re, shkruan “Gazeta Express”.

Në sezonin që përfundoi në fundjavë, futbollisti ofanziv i ka realizuar 5 gola, prej tyre dy nga penalltia, ndërsa i ka zhvilluar 27 ndeshje si titullar dhe i ka zhvilluar 2.367 minuta.

Sociedadi e ka falënderuar Januzajn për angazhimin, dedikimin dhe sakrificën e bërë gjatë periudhës sa ka luajtur në këtë klub, ndërsa i uron suksese në të ardhmen personale dhe profesionale.

Januzaj ka oferta nga Italia dhe nuk përjashtohet mundësia që në sezonin e ardhshëm ta shohim duke luajtur në Serie A. /Gazeta Express/