Slow TV video shërbimi më ri; Informohuni për kolona, autobusët, motin

Lajme

Gazeta Express

04/12/2020 14:01

Slow TV është projekt i ri nga gjirafaVideo, i cili ju ofron një mundësi shumë praktike: t’i shikoni vendet më të kërkuara në Kosovë, direkt nga webfaqja apo aplikacioni gjirafaVideo.

Kliko këtu per Slow TV.

Shpesh marrim rrugë dhe mbesim të ngujuar në kolona të gjata. Kjo nuk do të jetë më problem.

Shpesh mbledhim pajisjet e skijimit, bëjmë rrugë të gjatë, vetëm për t’u dëshpëruar me mungesën e borës. Apo shpesh edhe nxitojmë t’a arrijmë autobusin, vetëm për të përfunduar tek stacioni, duke pritur momentin kur ai niset. Të gjitha këto më nuk do të jenë problem, pasi që nga data 2 dhjetor, në gjirafaVideo u lansua Slow TV.

Çka është Slow TV?

Slow TV ka për qëllim t’u ndihmojë qytetarëve kur vendosin të largohen nga shtëpitë e tyre për një destinacion. Kamerat e vendosura në pikat më të frekuentuara mundësojnë qytetarët t’i shohin ato pjesë kurdo që ju duhen, për 24 orë, pa ndalesë apo pagesë.

Deri tani, Slow TV ka të vendosura kamera në vendet më të kërkuara, e që ky numër pritet të shtohet në ditët dhe javët në vazhdim.

Deri me tani ju mund të shikoni live në kohë reale kamerën e vendosur në Bogë tek shtegu kryesor i skijimit, kamerën tjetër në Brod ku mund të informoheni për motin dhe atmosferën atje, tek stacioni i autobusëve në Prishtinë ku para se të niseni për stacion shikoni se a gjendet autobusi juaj aty si dhe kamera tjetër tek ICK, te udhëkryqi tek Menza e Studentëve ku në ora të caktuara bëhen kolona të gjata.

Nga tani zgjidhja juaj e vetme është SlowTV, Kliko këtu